Le Figaro për rusët në Serbi: Vulin po iu bën presion, i spiunuar ata duke e ndarë atë informacion me Moskën
Nga OraNews Përditësimi i fundit 17 Gusht 2023, 19:08
Rreth 200 mijë rusë të cilët nuk kanë nevojë për vizë, shkuan në Serbi pas shpërthimit të luftës në Ukrainë në fund të shkurtit 2022 dhe shumica e tyre u vendosën në Beograd, shkruan gazeta franceze Le Figaro.
“Ne jemi këtu për të filluar një jetë të re”, tha Maxim i cili u largua nga Shën Petersburg dhjetorin e kaluar.
Disa ditë më vonë, më 25 korrik, Vladimir Volohovski, i cili u arratis nga Shën Petersburg në fillim të luftës në Ukrainë, iu refuzua vazhdimi i lejes së qëndrimit në Serbi.
Në artikull thuhet se u bë e tepërt për regjimin autoritar të presidentit serb Aleksandër Vuçiç dhe Aleksandër Vulin, shefit të tij besnik të inteligjencës.
“Vulin, haptazi në anën e Kremlinit, që nga emërimi i tij dhjetorin e kaluar, ka ushtruar presion mbi kundërshtarët e Kremlinit duke i spiunuar ata dhe duke e ndarë atë informacion me Moskën”, shkruan gazeta franceze.
Rusët në Serbi besojnë se Vulin qëndron pas këtyre veprimeve kundër tyre.
Sipas gazetës franceze, Vulin akuzohet se përdor funksionet e tij publike për të mbështetur Rusinë, duke mundësuar aktivitete dashakeqe ruse që degradojnë sigurinë dhe stabilitetin e Ballkanit Perëndimor dhe duke i ofruar Rusisë mundësinë për të pasur ndikim në rritje në rajon.
Drejtori i Agjencisë për Siguri dhe Informacion i Serbisë (BIA), Aleksandar Vulin, është futur në listën e sanksioneve amerikane. Kështu bëri të ditur Zyra për Kontrollin e Aseteve të Huaja në Departamentin amerikan të Thesarit gjatë muajit korrik.
Sipas Thesarit, Vulin është përfshirë në afera korruptive për “të shtyrë përpara agjendat e tij politike dhe interesat e tij personale në kurriz të paqes dhe stabilitetit në Ballkanin Perëndimor”.
