Gjykata e Londrës: Kevin Spacey është ngacmues seksual, akuza të ngritura nga 4 burra
Nga OraNews Përditësimi i fundit 30 Qershor 2023, 19:18
Kevin Spacey është ngacmues seksual, thotë gjykata e Londrës.
Aktori amerikan me famë botërore ka dalë këtë të premte përpara trupës gjykues ku po përballet me 12 akuza të ngritura nga 4 burra.
Ankuesi i parë shpjegoi se aktori fillimisht i fliste "hapur për seksualitetin e tij”, gjë që fillimisht e bëri të mos ndihej rehat.
Më pas Kevin filloi ta prekte në mënyrë të papërshtatshme duke arritur në kapje dhe prekje agresive.
Ankuesi i dytë paraqet një histori të ngjashme të ndodhur në vitin 2005.
Në vitin 2015 i treti thotë se u takua me aktorin në teatrin Old Vic dhe shkoi tek ai për të kërkuar menaxhim. Kur u kthyen në banesën e Spacey-t pasi kishin pirë së bashku në pijetore ankuesi thotë se u zgjua nga prekjet e aktorit i cili abuzoi seksualisht me të.
Ankuesi i katërt, sërish në ambientet e një pijetoreje thotë se Kevin tentoi ta puthte pasi e kishte fërkuar vazhdimisht nga këmbët. Burrat në të 20-at dhe 30-at kanë zgjedhur të drejtën e anonimitetit.
Avokatja e tyre e akuzës përfundon u shpreh se aktori abuzoi me detyrën e tij si drejtor i teatrit Old Vic në Londër midis 2004 dhe 2015 për të marrë "çfarë dhe kë donte, kur donte".
63-vjeçari ka mohuar të gjitha akuzat, për të cilat avokati i tij tha se përmbajnë shumë të pavërteta.
