Ia thyen shishen në kokë 34-vjeçarit, arrestohet i riu shqiptar në Gjermani
Nga OraNews Përditësimi i fundit 29 Qershor 2023, 21:01
Një i ri shqiptar është arrestuar në Gjermani, pasi dyshohet se ka goditur me shishe qelqi një 34-vjeçar në Hamm.
Ngjarja ka ndodhur fundjavën e kaluar, ku 28-vjeçari ka goditur me gotë dhe me një shishe birre qelqi 34-vjeçarin. I plagosuri pësoi lëndime të rënda sa që iu desh t’i nënshtrohej një operacioni.
Aktualisht ndodhet në spital, jashtë rrezikut për jetën. 28-vjeçari shqiptar aktualisht ndodhet në paraburgim, në pritje të masës së sigurisë.
