Lituania kërkon përforcim urgjent të NATO-s në vazhdën e kaosit rus
Nga OraNews Përditësimi i fundit 26 Qershor 2023, 13:48
Presidenti i Lituanisë ka bërë thirrje për forcimin e krahut lindor të NATO-s pas kryengritjes së shkurtër të armatosur të kompanisë private ushtarake Wagner kundër Moskës, një akt që ka kërcënuar rrëmbimin e presidentit rus Vladimir Putin në pushtet prej më shumë se dy dekadash.
Presidenti Gitanas Nauseda tërhoqi vëmendjen për një marrëveshje të ndërmjetësuar nga Bjellorusia për të zbutur krizën, e cila do të bëjë që shefi i Wagner, Yevgeny Prigozhin të shkojë në mërgim në Bjellorusi.
Bjellorusia ndan një kufi me Lituaninë anëtare të NATO-s.
Lituania kufizohet gjithashtu me enklavën ruse të Kaliningradit në detin Baltik.
Nauseda paralajmëroi se prania e Prigozhin në Bjellorusi dhe trazirat në Rusi e kanë vënë rajonin në një situatë të rrezikshme.
“Unë po flas këtu jo vetëm për Lituaninë, por për NATO-n në tërësi. Kemi të bëjmë me një shtet të madh, një shtet bërthamor dhe çdo trazirë e brendshme pashmangshmërisht ka pasoja për sigurinë e shteteve përreth”, tha Nauseda duke iu referuar Rusisë.
