Ngecin deputetët sigurimsa, kërkohet më shumë kohë për hapjen e dosjeve, riverifikim për Mezini e Bezhani
Nga OraNews Përditësimi i fundit 21 Qershor 2023, 16:37
Autoriteti i dosjeve ka paraqitur në kuvend një material voluminoz me të dhënat sekrete të deputetëve që kanë qenë bashkëpunëtor të sigurimit të shtetit. Në raportin në komisionin e ligjeve Genta sula theksoi se po riverifikohen ata që kanë vulën nga Mezini e Bezhani, por kërkoi që të mos ketë më shkresa të klasifikuara.
Kryetarja e autoritetit të dosjeve ka kërkuar më shumë kohë për të verifikuar të gjithë deputetët që kanë qenë bashkëpunëtor të sigurimit të shtetit.
Shkak është numri i lartë i tyre.
Një pjesë e parlamentarëve, kanë mandate edhe para vitit 1997 dhe kanë marrë vërtetimin se janë të pastër nga komisioni Mezini Bezhani.
Por aludimi se Ilir Metaj ka qenë pjesë e sigurimit, bëri që të gjithë emrat të kalojnë edhe një herë në filtër.
Tashmë një dosje e plotë është bërë gati, por konsiderohet sekret.
Por Genta Sula kërkon që të deklasifikohen dokumentet e dy komisioneve për të vijuar hetimet
Nga opozita u kërkua që çdo emër të kalojë mbi dokumente konkrete për të mos bërë gjueti shtrigash.
