"Mos qofsha në lëkurën tënde", Musliu: Të isha në vendin e Kurtit do jepja dorëheqjen, ka izoluar Kosovën me politikat e tij
Nga OraNews Përditësimi i fundit 19 Qershor 2023, 14:18
Deputetja e Kuvendit të Kosovës Ganimete Musliu në një lidhje për Ora News deklaroi se Albin Kurti do të duhet të japë dorëheqjen pas politikave të ndërmarra prej tij me ndërkombëtarët dhe me izolimin e shtetit të Kosovës.
"Po të isha në lëkurën e Albin Kurtit do të kisha dhënë dorëheqjen nga pozita e kryeministrit duke pasur parasysh me zhargonin politik me të cilin ka ardhur në krye të vendit dhe pozicionin ku e ka sjellë vendin sot. Nëse do të kishte vetëm pak moral politik, sot do të jepte dorëheqjen.
Albin Kurti po gabon në çdo hap dhe lëvizje politike të tij duke filluar nga bllokimi komplet i shtetit të Kosovës brenda por dhe jashtë. Për vetë faktin se sot i kemi marrëdhëniet e ngrira me të gjtihë botën, edhe me Shqipërinë, kjo flet mjaftueshëm sot se pse Kurti do të duhet të jepte dorëheqjen. Ne si opozitë, në situata të tilla kur shteti rrezikohet nga faktorë të jashtëm, ne asnjëherë nuk e kemi vendosur veten në rolin opozitar.
Jemi munduar maksimalisht që të jemi deputetë përfaqësues të shtetit të Kosovës. Por qasja e Kurtit qoftë me opozitën, qoftë me faktorin ndërkombëtar apo me Shqipërinë është e gabuar dhe e papranuar. Kjo metodë, Kosovën e kthen mbrapa, e ka kthyer tashmëpo kam frikë se do ta fusë në një rrugë qorre," tha ajo.
