Rrëmbimi i tre policëve të Kosovës, reagon Kurti: Hakmarrje pas arrestimit të famëkeqit Millun Millenkoviq
Nga OraNews Përditësimi i fundit 14 Qershor 2023, 16:05
Kryeministri i Kosovës Albin Kurti ka regaur pas rrëmbimit të tre zyrtarëve të Kosovës në Leposaviq nga ushtria serbe.
Sipas Kurtit kjo është qartazi një hakmarrje për arrestimin e Millun Millenkoviq-Lune që njihet si një ndër krerët e krimit të organizuar dhe kontsravbantës.
"Tre zyrtarë të policisë së Kosovës janë rrëmbyer sot në Leposaviq në vendin ku dikur kishte një rrugë ilegale të kontrabandës e që ndodhet rreth 300 metra në brendësi të territorit të shtetit tonë.
Dyshojmë që ata janë rrëmbyer nga ushtria e Serbisë, qartazi si hakmarrje e Serbisë për arrestimin e djeshëm të kriminelit famëkeq Millun Millenkoviq - Lune, i cili paraqet një ndër krerët e krimit të organizuar dhe kontrabandës.
Policia e Kosovës është treguar tejet e vetëpërmbajtur këto javët e fundit.
Hyrja e forcave të Serbisë në territorin e Kosovës është agresion dhe synim për eskalim dhe destabilizim.
Kërkojmë lirimin e menjëhershëm të tre zyrtarëve të rrëmbyer policor dhe ftojmë faktorët ndërkombëtarë që të dënojnë këtë akt agresioni të Serbisë.
