“Mos njihni talebanët” Gratë marshim proteste në Kabul për të drejtat e tyre
Nga OraNews Përditësimi i fundit 30 Prill 2023, 10:09
Të drejtat e grave në Afganistan pas rimarrejs së pushtetit nga talebanët janë inekzistente. Disa gra kanë marshuar në Kabul për të bërë thirje botës të mos njohin qeverinë talebane, pasi kjo sipas tyre do të thotë pranim i mizorisë që ata kryejnë ndaj femrave.
Gratë afgane protestuan në Kabul të shtunën për të nxitur vendet e huaja që të mos e njohin zyrtarisht qeverinë talibane para samiti të Kombeve të Bashkuara, javën e ardhshme.
Që kur talibanët u rikthyen në pushtet në vitin 2021, protestuesit që shprehin kundërshtimin kundër kufizimeve të të drejtave të grave në Afganistan janë rrahur ose ndaluar dhe forcat e sigurisë kanë qëlluar në ajër për të shpërndarë disa tubime.
Por, grupe të vogla grash kanë vazhduar të organizojnë tubime sporadike.
Të shtunën, rreth 25 gra marshuan nëpër një zonë rezidenciale në kryeqytetin afgan përpara një samiti në Doha të Katarit ku OKB-ja thotë se do të diskutojë një "rrugë të qëndrueshme përpara" për Afganistanin.
"Njohja e Talibanëve - shkelje e të drejtave të grave," brohoritën gratë gjatë marshimit, i cili zgjati jo më shumë se 10 minuta dhe kaloi pa u përplasur me forcat e sigurisë.
Thirrjet e tjera përfshinin "Populli afgan, peng i talibanëve" dhe "Ne do të luftojmë, do të vdesim, do të marrim të drejtat tona".
Asnjë shtet nuk e ka pranuar ende qeverinë si legjitime që kur talibanët u kthyen në pushtet pas një tërheqjeje nga Afganistani të forcave amerikane në vitin 2021.
Disa besojnë se komuniteti ndërkombëtar mund t'i bindë talibanët që të kthejë të drejtat që ua ka marrë grave, duke penguar perspektivën e njohjes.
Të tjerë thonë se edhe diskutimi i saj u jep talibanëve njëfarë legjitimiteti në një kohë kur ata po i largojnë gratë nga jeta publike.
OKB-ja ka njoftuar se “autoritetet de facto” të Afganistanit nuk janë ftuar në konferencën e Dohas. "Njohja nuk është një çështje," tha të premten një zëdhënës i OKB-së.
