Mbrojtësi i Bayern në telashe, gruaja e akuzon publikisht për tradhëti me modelen italiane

Orë të nxehta për mbrojtësin francez të Bayern Munchen, Lucas Hernandez, bashkëshortja e të cilit ka bërë një postim të papritur në orët e para të mengjesit.

Në rrjetet sociale, Amelia de la Osa Lorente shkruan se ai e ka tradhëtuar me modelen kalabreze Cristina Buccino.
“Tani mund të mos bësh më lojë të dyfishtë. Po ta bëj dhuratë Bucino-n por mos harro që ke dy fëmijë që nuk i ke parë prej kohësh”, shkruan Amelia.

Sipas mediave gossip, mendohet se Lucas Hernandez ka flirtuar me bukuroshen italiane ndërsa ndodhej në Milano këtë fundjavë për të ndjekur vëllain Theo në ndeshjen Milan-Lecce.

Mbrojtësi i Bayern Munchen dhe Amelia de la Osa Lorente janë martuar në vitin 2017 në Las Vegas, vetëm pak muaj pasi të dy u dënuan për dhunë në familje. Gjykata e Madridit i dënoi të dy me nga 31 ditë shërbim social duke ju ndaluar që të komunikonin bashkë për 6 muaj.


