Atentati ndaj Benard Ndrecës në Vaun e Dejës, Zef Hila thirrje Çuçit: Të zbardhet ngjarja!
Nga OraNews Përditësimi i fundit 11 Prill 2023, 12:18
Kandidati i koalicionit të opozitës për bashkinë e Vaut të Dejës, Zef Hila ka kërkuar që të zbardhet ngjarja e rëndë që ndodhi mëngjesin e sotëm, ku ju hodh në erë makina kreut të kësaj dege, Benard Ndrecës.
Në një prononcim për mediat, Hila u shpreh se ngjarja kriminale duhet të zbardhet sa më shpejt.
“Ky është një akt kriminal. Gjej rastin t’i bëj thirrje Çuçit që të marrin masa të menjëhershme që ky rast kriminal të zbardhet sa më shpejt dhe autorët të arrestohen.
Nuk i druhemi asnjë lloj akti pasi gjithë qytetarët janë të qartë në situata të tilla. Ky është një akt kriminal”, deklaroi kandidati demokrat për bashkinë e Vaut të Dejës Zef Hila.
