"Aroma ime josh meshkujt" Influencerja krijon parfumin me djersën e saj
Nga OraNews Përditësimi i fundit 6 Prill 2023, 16:48
Një influencere ka bërë zhurmë në internet pasi publikoi një aromë që përfshin pika të djersës së saj për të cilën ajo pretendon se “i josh meshkujt”.
Wanessa Moura, 29 vjeç, pretendon se parfumi i pazakontë është mjeti i përsosur për këdo që kërkon të tërheqë një mashkull.
Vajza e cila ka mbi një milion ndjekës në Instagram, e zhvilloi aromën në vitin 2021 pasi vendosi të krijojë një produkt për të ndihmuar njerëzit të ndjekin lidhjet seksuale.
“Doja një aromë timen, me notat e aromës sime natyrale – e cila, sipas ish-it dhe të dashurit tim aktual, është seksi dhe emocionuese”, tha Wanessa, nga São Paulo, Brazil, për NudePR.com.
“Aroma ime natyrale i josh meshkujt kështu që unë përdora pika të djersës sime si bazë për aromën e parfumit. Djersa ime ishte përbërësi më i rëndësishëm në formulën për këtë ilaç dashurie dhe seksi që u bë parfumi im."
Wanessa, e cila thotë se aroma është "parfumi ideal për takime", zbulon se burrat në jetën e saj deklarojnë se lëkura e saj ka një aromë natyrale të papërmbajtshme seksi.
Pasi zbuloi fuqinë që aroma e saj mban mbi seksin e kundërt, ajo u përpoq të krijonte një aromë që gratë e tjera mund ta mbanin për të "zgjuar dhe nxitur vëmendjen".
Për formulën, ajo shtoi 8 ml të djersës së saj në çdo shishe, e cila shpreson se do të veprojë si një "afrodiziak natyral" për çdo grua.
Ajo tha: “Përveç notave frutore të mandarinës, bergamotit dhe piperit rozë, parfumi im ka një prekje të veçantë, super intime: djersën time.
“Është një përzierje e pasionit dhe misterit”.
Wanessa, e cila e quajti parfumin "Fresh Goddess", që atëherë ka marrë komente të shkëlqyera nga ndjekësit e saj që pretendojnë se funksionon vërtet.
Ajo tha: “Ndjekësi im i dashur tha se aroma e parfumit është e fuqishme dhe se përmbush atë që premton.
