Vranë 12 vjeçaren me thikë, një nga shoqet dyshohet se e kishte planifikuar sulmin shumë përpara. Mjekësia ligjore: 75 goditje në trup

Nga OraNews Përditësimi i fundit 24 Mars 2023, 17:23

Luise F. 12 vjeçe nga Freudenbergu i Gjermanisë u vra me thikë nga dy shoqet e saj, 12 dhe 13 vjeçe.

Tani rezulton se më e vogla nga dy shoqet e klasës së Luise mund ta ketë planifikuar aktin e tmerrshëm shumë përpara.

Siç raporton “Focus”, ajo është informuar paraprakisht online për subjektin e papjekurisë kriminale.

Hetuesit kishin gjetur dokumente përkatëse gjatë kontrollit.

Në Gjermani përgjegjësia penale fillon deri në moshën 14 vjeçare.

Prandaj mund të supozohet se dymbëdhjetë vjeçarja donte të përdorte kërkimin e saj për t'u siguruar që ajo nuk do të përballej me ndonjë pasojë ligjore.

Fillimisht ato donin ta mbytnin me qese

Portali raporton edhe detaje të mëtejshme për rrjedhën e ngjarjeve. Dy autoret e dyshuara mësohet se fillimisht kanë tentuar të mbytin Luisen me një qese plastike.

Për shkak se kjo nuk funksionoi, më e vogla kapi thikën dhe goditi me thikë.

Mjekët ligjorë kanë numëruar 75 goditje më thikë, shkruan “Focus”.

Deri tani është folur për 30.

Pas sulmit, të dyja e hodhën viktimën e tyre në një argjinaturë nga shtegu i biçikletave. Luise u gjakos për vdekje atje.

Që nga krimi gati dy javë më parë, hetuesit kishin ditë që kërkonin armën e vrasjes por pa sukses.

Kërkimi për thikën aktualisht është në pritje deri në një njoftim të dytë.

Qindra të afërm, miq dhe fqinjë i thanë lamtumirën Luise në shërbimin funeral në Kishën Ungjillore në Freudenberg të mërkurën.

Prindërit janë larguar

Shumë pyetje janë ende pa përgjigje. Një gjë është e sigurt: tre vajzat dikur ishin shoqe shumë të mira.

Pastaj kishte ngacmime. “Bild” raportonte se Luise ishte ngacmuar pak para vdekjes së saj.

Ajo i kishte treguar një të rrituri dhe dy autoret e dyshuara kanë dashur të hakmerren ndaj Luise.

Ndërsa “Focus” shkruan se Luise mesa duket është tallur me njërën prej vajzave.

Thuhet se kjo ka qenë arsye e mjaftueshme që të dyja të vrasin Luise.

Dy vajzat ndodhen aktualisht në një institucion për të rinjtë.

Familjet e tyre që atëherë janë larguar nga Freudenberg. Hetimet janë në vazhdim.