Drejtoresha detyrohet të japë dorëheqjen pasi u tregoi studentëve statujën e Davidit të Michelangelo
Nga OraNews Përditësimi i fundit 24 Mars 2023, 14:55
Një drejtoreshë shkolle në Tallahassee, Florida, u detyrua të jepte dorëheqjen sepse një mësim arti i Rilindjes përfshinte një seksion mbi skulpturën e Davidit të Biblës nga Michelangelo, të cilën një prind e përshkroi si pornografike.
Hope Carrasquilla, e cila ishte drejtoreshë në Shkollën Klasike Tallahassee dha dorëheqjen të hënën gjatë një takimi urgjent të bordit. Ajo u emërua në këtë detyrë më pak se një vit më parë.
Kryetari i bordit të shkollës, Barney Bishop, i tha Carrasquilla se ajo ose mund të largohej ose të pushohej, por nuk dha asnjë arsye për ultimatumin.
Ajo tha se beson se ishte për shkak të mësimit të artit, duke thënë: "Më trishton që koha ime këtu duhej të përfundonte në këtë mënyrë".
Ndërsa Tallahassee Classical thuhet se kërkohet të mësojë për artin e Rilindjes në klasën e 6-të, tre prindër folën për përmbajtjen e mësimit dhe pretenduan se kjo i mërziti fëmijët e tyre.
Dy prindër thanë se donin të njoftoheshin për mësimin përpara se të zhvillohej dhe një prind tjetër e quajti atë si pornografik.
