Shtëpia mes rruge/ Në Fshat të Klosit, familja Cakoni në pikë të hallit: Kemi frikë të jetojmë në shtëpinë tonë!
Nga OraNews Përditësimi i fundit 24 Mars 2023, 13:54
Pamjet që vijnë nga fshati Fshat në klos, duken të pazakonta, por janë realitet me të cilën përballet familja Cakoni çdo ditë. Ngjitur me shtëpinë e kësaj familje, janë ndërtuar dy rrugë për automejtet, ndërsa familjarët nga korridori dalin diekt në rrugë të makinave.
Kjo shtëpi është e ndërtuar në Fshatin Fshat në Klos!
I përket familjes Cakoni, dhe është ngjitur në mes të dy rrugëve!
Sapo hap derën e shtëpisë, del direkt në rrugën e makinës, e cila nuk ka një trotuar!
Jetesa e familjes Cakoni është bërë e vështirë dhe pothuajse e pamundur!
Mane Cakoni: “Ne jetojmë me shumë frikë këtu. Në 1 apo 2 të natës kalojnë trajlerat këtej dhe ne jemi në gjumë dhe ngrihemi të alarmuar se çfarë po ndodh”.
Më të rrezikuar janë të vegjlit.
Mane Cakoni: “Më me frikë jemi se e kemi derën në rrugë dhe i kemi fëmijët e vegjël”.
Ankesat e tyre, thonë, se nuk janë dëgjuar kurrë nga institucionet.
Mane Cakoni: “Nuk e di se çfarë do të bëhet me ne, i kamë thënë çdo herë, por këtu asnjë pushtetar nuk vjen dhe unë nuk e di ku të ankohemi në ndonjë tjetër vend”.
Nga ana tjetër Mane Cakoni thotë se nga punimet që janë bërë në rrugë i është dëmtuar edhe banesa.
