Siri: Vriten 15 persona dhe plagosen shumë të tjerë nga një sulm raketor izraelit në Damask
Nga OraNews Përditësimi i fundit 19 Shkurt 2023, 08:56
Të paktën 15 të vdekur dhe disa të plagosur janë numri i deritanishëm i sulmit me raketa izraelite në Damask, sipas Observatorit Sirian për të Drejtat e Njeriut.
Nga ana e saj, ushtria siriane flet për pesë të vdekur, mes tyre një ushtar dhe më shumë se 15 të plagosur.
Sulmi ndodhi pak pas mesnate në lagjen Kafr Susa të Damaskut, ku një ndërtesë e vendosur pranë një qendre kulturore iraniane u shkatërrua pothuajse plotësisht dhe të tjerat u dëmtuan rëndë.
Sulmi vjen në një kohë kur qeveria siriane po merret me ndikimin shkatërrues të tërmeteve të 6 shkurtit që vranë të paktën 5,800 njerëz (përfshirë më shumë se 40,000 në Turqinë fqinje), ndërsa ndihma ndërkombëtare sjell ndihma për lehtësimin e viktimave të tërmetit.
Izraeli ka nisur vazhdimisht sulme ndaj instalimeve ushtarake në Siri gjatë luftës civile 11-vjeçare, duke pretenduar se ka në shënjestër luftëtarët pro-iranianë.
