Kryebashkiaku i Torontos jep dorëheqjen pas marrëdhënies me ish-punonjësen
Nga OraNews Përditësimi i fundit 11 Shkurt 2023, 16:14
Kryebashkiaku i Torontos, John Tory, ka njoftuar se do të largohet nga posti i tij pasi kishte një marrëdhënie me një nga ish-punonjëset e tij.
Marrëdhënia filloi gjatë pandemisë dhe përfundoi në fillim të këtij viti pas pëlqimit të ndërsjellë, tha Tory në një konferencë shtypi të Premten. Punonjësi gjeti një punë diku tjetër jashtë Bashkisë
Në konferencën për shtyp, Tory i kërkoi falje gruas së tij prej më shumë se 40 vitesh, Barbara Hackett, si dhe familjes dhe stafit të tij.
"Unë e kuptoj se lejimi i zhvillimit të kësaj marrëdhënieje ishte një gabim serioz në gjykim nga ana ime," tha Tory.
Tory thotë se do të marrë kohë për të reflektuar mbi gabimet e tij dhe do të punojë për të rindërtuar besimin e familjes së tij.
“Dua të falenderoj njerëzit e Torontos që më besuan mua si kryetar bashkie, ka qenë puna e një jete”, shtoi ai.
Tory u zgjodh si kryebashkiaku i 65-të i Torontos në vitin 2014 dhe u rizgjodh në 2018 dhe 2022, sipas faqes së internetit të qytetit të Torontos .
