"Ngrin Shqipëria", -12 gradë në juglindje, qindra fshatra pa energji prej 3 ditësh
Nga Iris Rezhda Përditësimi i fundit 6 Shkurt 2023, 09:48
Vendi ynë është përfshirë nga temperatura të ulëta në të gjithë territorin. Në Juglindje temepraturat kanë shkuar deri në -12 gradë Celsius ndërsa qindra familje janë pa energji elektrike prej 3 ditësh. Ndërkohë situatë problematike është paraqitur edhe në zonat malore të Shkodrës.
Shqipëria është përfshirë nga moti i acartë. Këto pamje vijnë nga Pogradeci. Mëngjesin e së hënës gjithçka ishte e grirë.
Temperaturat atje shkojnë deri në -12 gradë Celsius.
Sipas informacioneve që vijnë nga juglindja në 12 fshatra në Korçë dhe Pogradec ka mungesë energjie elektrike, duke bërë që prej 3 ditësh 2455 familje të jenë pa drita.
Ndërkohë në aksin Bogë-Theth në veri të vendit punohet për largimin e borës që sjell era si dhe për kriposjen e rrugës. Ulja e temperaturava ka sjellë dhe ngrica ne rruget dhe trotuarit te qytetit të Vlorës.
Atje Vijon i pezulluar lundrimi për mjetet e vogla dhe anijet e peshkimit.
I pezulluar lundrimi është edhe për tragetin Vlorë- Brindisi ndërsa pritet përmirësim rreth mesditës në det.
Autoritetet kanë rekomanduar që të gjithë makinat që do të udhëtojnë për në zonat malore të përdorin goma dimërore dhe zinxhirë.
