Gruaja kthehet pas pushimeve dhe shokohet, ketri i kishte mbushur makinën me arra
Nga OraNews Përditësimi i fundit 26 Janar 2023, 10:14
Një ngjarje sa e pazakontë po aq dhe e pabesueshme i ka ndodhur një gruaje në SHBA pasi u kthye nga pushimet.
Gruaja u kthye nga një pushim njëjavor për të gjetur motorin e saj të mbushur me 558 arra. Dhe, po, ajo i numëroi.
Ne e dimë se ketrat mund të jenë kafshë punëtore kur bëhet fjalë për mbledhjen e furnizimeve të tyre dimërore.
Ata përdorin zgavrat e automjeteve për të ruajtur frutat e thata dhe rezervat për dimër.
Një gjë e tillë jo pak herë ka shkaktuar dhe dëme në automjet.
Kathleen LaForce u largua me makinë për një javë, duke e lënë Subaru Forester-in e saj të parkuar jashtë.
Por kur ajo u kthye dhe ndezi makinën kuptoi se diçka nuk ishte në rregull.
Kur ajo ngriti kapakun, zbuloi se pjesa e motorit ishte e mbushur plot me arra të zeza. Ajo bëri një foto dhe e postoi në faqen e Facebook-ut Wild Green Memes for Ecological Friends, dhe postimi i saj u bë shpejt viral.
Kathleen nuk thotë se sa kohë iu desh për të pastruar rrëmujën, por numëroi çdo arrë, duke zbuluar se ishin plot 558 arra brenda makinës.
