Republikania shpërthen në lot: U lutet politikanëve të votojnë kundër projektligjit për martesat gay

Nga OraNews Përditësimi i fundit 9 Dhjetor 2022, 21:57

Një politikane republikane ka shpërthyer në lot ndërsa përpiqet të inkurajojë kolegët e saj të votojnë kundër një projektligji për martesën e të njëjtit seks.

Ligjvënësit në Dhomën e Përfaqësuesve të SHBA-së iu kërkua të votonin mbi Aktin e Respektimit të Martesës që do të mbronte barazinë martesore.

Ky veprim vjen disa dekada pasi Kongresi Amerikan deklaroi se martesa ishte midis një burri dhe një gruaje.

Qeveritë shtetërore dhe federale tani do të duhet të njohin martesat e të njëjtit seks dhe ato ndër racore.

Ata do të pengohen të mohojnë vlefshmërinë e një çifti të martuar në bazë të seksit, racës ose përkatësisë etnike. Votimi përfundimtar ishte 258 pro projektligjit dhe 169 kundër.


Një nga njerëzit kundër projektligjit ishte kongresmenja Vicky Hartzler. Ligjvënësja e Misurit mbajti një fjalim pasionant përpara se të fillonte votimi dhe dukej se ishte aq kundër barazisë martesore saqë u përpoq të mbante lotët.

"Ky është një hap tjetër drejt qëllimit të demokratëve për të çmontuar familjen tradicionale, për të heshtur zërat e besimit dhe për të zhbërë përgjithmonë themelin e Zotit të vendit tonë," tha kongresmenia.

Projektligji mori votat e nevojshme ndërsa tani do t'i shkojë presidentit amerikan Joe Biden për t'u nënshkruar zyrtarisht.

Biden vlerësoi Dhomën për mbrojtjen e çifteve të të njëjtit seks, si dhe atyre në martesa ndër racore.