Katër të vdekur në një sulm të armatosur në qytetin rus - Shikoni Videon

Nga OraNews Përditësimi i fundit 24 Nëntor 2022, 18:26

Katër persona u vranë në një incident me të shtëna në një qendër tregtare në qytetin jugor të Rusisë, Krymsk, njoftuan sot agjencitë shtetërore ruse të lajmeve, duke cituar organet e zbatimit të ligjit dhe zyrën e prokurorisë.

Agjencia shtetërore e lajmeve TASS raportoi se personi i armatosur që hapi zjarr ishte mes katër të vdekurve.

Në rrjetet sociale është publikuar një video në të cilën shihet një person i armatosur duke qëlluar duke ecur.

Në fund të videos ai shihet duke qëlluar nga afër dikë që është i shtrirë në tokë.

Agjencia e lajmeve Reuters vë në dukje, megjithatë, se origjinaliteti i saj nuk është verifikuar.