"Zbathur dhe zhveshur në mes të të ftohtit", Vuajtjet e Anxhela Peristerit për klipin e Eurovision
Nga OraNews Përditësimi i fundit 7 Mars 2021, 22:55
Këtë vit këngëtarja e njohur shqiptare, Anxhela Peristeri do të përfaqësojë Shqipërinë në "Eurovision"
Kënga që është përzgjedhur fituese në Festivalin e RTSh-së dhjetorin e vitit që lamë pas, mban titullin “Karma”, e cila do të prezantojë shtetin shqiptar në Festivalin Evropian.
Vetëm pak ditë më parë Anxhela publikoi videoklipin zyrtar të këngës dhe ajo që u vu re ishte dhe ndryshimi i versionit të parë të këngës me të cilën u prezantua në “Festivalin e Këngës”. Versioni final duket akoma më i fuqishëm dhe Anxhela ka vendosur që ta mbajë në gjuhën shqipe.
E për pamjen e Anxhelës nuk kemi çfarë të shtojmë pasi si gjithmonë këngëtarja dukej mahnitëse. Mirëpo, e gjithë kjo pamje Anxhelës i ka kushtuar pak pasi është detyruar të xhirojë në temperaturat -9 gradë celsius.
"U lodha shumë për ta bërë klipin. U lodha jashtëmase, mbi të gjitha dhe temperaturat më ndihmuan, më ndihmuan vizualisht por faktikisht aty jam plevitosur sepse jam zbathur në -9 gradë ." - thotë Anxhela në emisionin "Why Not" në RTV Ora.
