Marrëveshja bërthamore me Iranin: SH.B.A. pranon të bashkohet me bisedimet në moment kritik
Nga OraNews Përditësimi i fundit 19 Shkurt 2021, 08:08
Shtetet e Bashkuara kanë rënë dakord të marrin pjesë në bisedime që përfshijnë Iranin dhe fuqitë botërore me synimin për të ringjallur një marrëveshje të rëndësishme bërthamore.
Irani u zotua të kufizojë programin e tij bërthamor në këmbim të heqjes së sanksioneve ekonomike sipas marrëveshjes së vitit 2015.
Por ish-Presidenti Donald Trump tërhoqi SHBA-në nga marrëveshja në 2018, duke e çuar Iranin të tërhiqte angazhimet.
Tani SH.B.A.-ja ka shprehur synimin të ribashkohet me marrëveshjen nën Presidentin Joe Biden.
Të enjten, administrata e Biden bëri premtimin e saj për t'u ri-angazhuar me Iranin mbi marrëveshjen, i njohur si Plani i Përbashkët Gjithëpërfshirës i Veprimit (JCPOA).
Zëdhënësi i departamentit të shtetit Ned Price tha se SHBA kishin pranuar një ftesë nga Bashkimi Evropian për t'u takuar me Iranin për bisedime.
Diplomati i lartë i BE Enrique Mora, i cili ofroi të mblidhte bisedimet, tha se ky ishte një "moment kritik" për marrëveshjen.
Irani nuk i është përgjigjur zyrtarisht rinisjes së bisedimeve të propozuara nga BE.
Por në një postim në Twitter, Ministri i Jashtëm i Iranit, Mohammad Javad Zarif sugjeroi që vendi do të pajtohet plotësisht me marrëveshjen vetëm pasi të hiqen sanksionet e SHBA.
