Izraeli, kampion bote për vaksinimin kundër koronavirusit
Nga OraNews Përditësimi i fundit 2 Janar 2021, 20:33
Izraeli ka vaksinuar deri më tani 1 milion banorë, niveli më i lartë në botë, ndërsa përpjekjet globale të imunizimit rriten.
Izraeli ka një normë prej 11.55 doza vaksine për 100 njerëz, ndjekur nga Bahreini në 3.49 dhe Mbretëria e Bashkuar në 1.47.
Në krahasim me të, Franca kishte vaksinuar 138 persona deri më 30 dhjetor.
Më shumë se 1.8 milion njerëz kanë vdekur nga virusi në të gjithë botën.
Shifrat krahasuese për vaksinimin janë realizuar nga Our World in Data, një bashkëpunim me Universitetin e Oksfordit.
Ata matin numrin e njerëzve që kanë marrë dozën e parë të vaksinës së koronavirusit. Shumica e vaksinave të aprovuara për përdorim deri më tani mbështeten në dy doza, në një diference kohore prej një jave.
SHBA janë shumë larg objektivit për të vaksinuar 20 milion njerëz deri në fund të vitit 2020, me vetëm 2.78 milion që kishin marrë një goditje deri më 30 dhjetor.
Ndërkohë, eksperti kryesor i sëmundjeve infektive të qeverisë amerikane, Dr Anthony Fauci, ka thënë se ai nuk pajtohet me planet e Mbretërisë së Bashkuar për tu dhënë sa më shumë njerëzve një dozë të parë të vaksinës, ndërsa i vonon dozat e dyta.
