Bashkia mbyll sytë para COVID, nuk shton sportelet detyron qytetarët të rrinë në radhë
Nga OraNews Përditësimi i fundit 17 Korrik 2020, 08:48
Shmangni radhët e gjata, është këshilla kryesore e ekspertëve të shëndetësisë, por përpara bashkisë së Tiranës, pamjet tregojnë të kundërtën.
Kryebashkiaku i Tiranës pritet të deklarojë suksesin për kreditë e buta, por për të plotësuar dokumentet peripecitë janë të mëdha.
Këtë të premte ishte afati i fundit për aplikimin, por siç shprehen qytetarët në bashki po punohet me ngadalë dhe me vetëm 3 sportele.
Ata thonë se kanë disa ditë që paraqiten, por shërbimin nuk e kanë marrë edhe pse shkojnë prej orës 6 të mëngjesit.
Në radhë ka edhe nga ata që kërkojnë të ankohen për dëmshpërblimin e dëmeve të shkaktuara nga tërmeti, por duket se pas hallakatjeve duket se as kjo e premte nuk është dita ku mund ti shërbehet kësaj zonje.
Përpara bashkisë, kanë mbetur këto njolla të verdha që tregojnë se ku duhet të qëndrojnë qytetarët, por këta të fundit janë kërkojnë të marrin shërbim sa më shpejtë, pa marrë parasysh distancimin social.
