L*fta me Iranin bëhet pengesë në shitjen e a*mëve për Tajvanin, SHBA pezullon shitjen me vlerë 14 miliardë dollarë
Nga OraNews Përditësimi i fundit 22 Maj 2026, 13:17
SHtetet e Bashkuara të Amerikës po pezullojnë një shitje armësh me vlerë 14 miliardë dollarë për Tajvanin për tu siguruar që i mbeten armë të mjaftueshme për luftën në Iran. Hung Cao, i cili ka shërbyer si sekretar në detyrë i Marinës Amerikane që nga prilli e konfirmoi këtë në një seancë dëgjimore në Senat, disa ditë pasi Presidenti Donald Trump nuk u shfaq i angazhuar në lidhje me shitjen pas takimeve të tij me udhëheqësin kinez Xi Jinping.
"Tani për tani po bëjmë një pauzë për t'u siguruar që kemi municionet që na nevojiten për Epic Fury të cilat i kemi me bollëk. Ne thjesht po sigurohemi që kemi gjithçka, por më pas shitjet ushtarake të huaja do të vazhdojnë kur administrata ta gjykojë të nevojshme”, tha Cao në seancën dëgjimore të enjten.
Paketa prej 14 miliardë dollarësh ka pritur miratimin e Trump për muaj të tërë. Ajo përfshin raketa mbrojtëse ajrore, të tilla si PAC-3 e Lockheed Martin, dhe sisteme raketash ajrore. Konfirmimi nga ana e Trump në lidhje me të ende nuk është bërë, edhe pse ky është një mjet shumë i mirë negociues me Kinën. Trump tha për gazetarët se do të marrë një vendim gjatë periudhës së ardhshme mbi shitjen e armëve në Tajvan. Këto komente erdhën të bëra nga një samit presidencial në Pekin, ku Xi i kishte thënë Trump se Tajvani ishte çështja më e rëndësishme midis SHBA-së dhe Kinës.
Trump theksoi se ka diskutuar shitjet e armëve amerikane në Tajvan me shumë detaje me Xi-në. Njëkohësisht shtoi se do të flasë drejtpërdrejt me udhëheqësin tajvanez Lai Ching-te rreth shitjes, e cila do të ishte një largim i mprehtë nga tradita diplomatike dhe ka të ngjarë të zemërojë Pekinin. Udhëheqësit amerikanë dhe tajvanezë nuk kanë folur drejtpërdrejt për dekada të tëra, megjithëse Trump foli me paraardhësen e Lai-t, Tsai Ing-wen, kur Trump ishte president i zgjedhur.
Pekini ka shprehur kundërshtim të fortë dhjetorin e kaluar kur SHBA-të miratuan një shitje armësh prej 11 miliardë dollarësh për Tajvanin e cilësuar si një nga paketat më të mëdha. Ministria e jashtme e Kinës tha në atë kohë se do të përshpejtonte shtytjen drejt një situate të rrezikshme dhe të dhunshme në të gjithë Ngushticën e Tajvanin. Udhëheqësi i Tajvanit, Lai Ching-te, ka theksuar se shitjet e armëve nga SHBA-të ishin një faktor kyç në ruajtjen e paqes dhe stabilitetit rajonal. Nën udhëheqjen e Lai-t, Tajvani ka rritur ndjeshëm shpenzimet e mbrojtjes në përgjigje të presionit ushtarak në rritje nga Kina.
