"Prisja që Dinamo të kishte më shumë lodhje pas Kupës"/ Dabulla: E përballoi mirë Vllazninë
Nga OraNews Përditësimi i fundit 17 Maj 2026, 21:27
Në emisionin “Ora Sport” në Ora News ishte i ftuar ish-futbollisti Rezart Dabulla, i cili komentoi ndeshjen mes Dinamo dhe Vllaznia, ku kryeqytetasit arritën një fitore të rëndësishme.
Dabulla u ndal te paraqitja e dy skuadrave, duke vlerësuar Dinamon për mënyrën se si e menaxhoi ndeshjen, ndërsa u tregua kritik ndaj Vllaznisë për performancën në fushë.
Ai tha se Dinamo, pavarësisht lodhjes dhe mungesave pas ndeshjeve të mëparshme, arriti të jetë më konkrete dhe më e rrezikshme gjatë gjithë takimit.
“Prisja që Dinamo të kishte më shumë lodhje pas kupës, por arriti ta përballojë mirë ndeshjen me Vllazninë. Vllaznia nuk më dha përshtypje të mirë, bëri shumë pak për ta fituar atë ndeshje.”-tha Dabulla.
Sipas tij, Vllaznia nuk arriti të shfrytëzojë momentin ndaj një Dinamoje që vinte e ngarkuar fizikisht, ndërsa loja e shkodranëve ishte e vakët dhe pa ide të qarta.
“Me dy-tre lëvizje dhe vendosje të sakta në fushë, Dinamo ishte vazhdimisht rrezik për mbrojtjen e Vllaznisë. E fitoi ndeshjen me meritë.”-shtoi ish-futbollisti.
Në përfundim, analiza e ish-futbollistit vlerëson Dinamon për efikasitetin në fushë dhe menaxhimin e situatës, ndërsa nënvizon mungesën e reagimit nga Vllaznia në një ndeshje që pritej të ishte më e fortë.
NDIQNI EMISIONIN E PLOTË "ORA SPORT" NË ORA NEWS:
