(VIDEO) Liban nën krizë humanitare/ Ushqim, karburant dhe ndihma shkojnë tek fshatrat e krishtera
Nga OraNews Përditësimi i fundit 16 Mars 2026, 11:57
Lufta në Lindjen e Mesme ka hyrë në javën e tretë, dhe Libani po përballet me një krizë humanitare shumë të rëndë.
Numri i viktimave ka arritur rreth 850 persona, ndërsa mijëra të tjerë janë plagosur ose janë detyruar të largohen nga shtëpitë e tyre.
Situata për civilët është shumë e vështirë, pasi konflikti ka shkaktuar dëme të mëdha në infrastrukturë dhe ka kufizuar aksesin në mallrat bazë.
Për këtë arsye, konvojë me ndihma humanitare po shpërndahen për popullsinë e prekur.
Sipas raportimeve nga protothema.gr dhe reporterit Marinos Aliferis, një konvoj ka mbërritur në qytetin e Tiros pas nisjes nga Sidoni.
Në Sidon është bërë mbledhja dhe numërimi fillestar i ndihmave dhe koordinimi i operacionit. Transporti po bëhet nën masa të forta sigurie, me automjete të blinduara të OKB-së që shoqërojnë kamionët.
Konvoji ka për qëllim të sjellë ushqim, karburant dhe furnizime të tjera bazë tek banorët në nevojë, duke nisur drejt fshatrave të krishtera në Libanin jugor, ku mungesat janë të mëdha për shkak të armiqësive të vazhdueshme.
