Ndryshojnë oraret e javës së fundit të fazës së tretë të Superiores
Nga OraNews Përditësimi i fundit 1 Mars 2026, 20:42
FSHF ka vendosur të ndryshojë oraret e sfidave të Javës së 27-të, e cila mbyll fazën e tretë të Kategorisë Superiore.
Kjo javë do të jetë e ndarë mes të dielës dhe të hënës së ardhshme (8 dhe 9 mars), për shkak të zhvillimit të sfidave të Kupës së Shqipërisë në këtë mesjavë.
Oraret e Javës së 27-të ndryshojnë duke u zhvendosur nga ora 13:30 në orën 15:00 për ato stadiume ku nuk ka ndriçim artificial.
Ndeshjet e të dielës do të luhen në orën 15:00 dy sfida shumë interesante, Bylis-Vora dhe Tirana-Elbasani, që mund të jenë përcaktuese sidomos për zonën e rënies nga kategoria. Ndërkohë, në orën 18:00 do të luhet takimi mes Flamurtarit dhe Vllaznisë.
Sa i përket të hënës, të dy sfidat janë të planifikuara në orën 19:00 dhe janë ato Egnatia-Teuta dhe Dinamo-Partizani.
JAVA 27
08.03.2026
Bylis – Vora ora 15:00
Tirana – Elbasani ora 15:00
Flamurtari – Vllaznia ora 18:00
09.03.2026
Egnatia – Teuta ora 19:00
Dinamo – Partizani ora 19:00
