Interes i ri për Nicole Kidman pas divorcit? Biznesmeni Paul Salem shfaq pëlqim për aktoren?
Nga OraNews Përditësimi i fundit 18 Shkurt 2026, 08:03
Pas divorcit, interes i ri për Nicole Kidman? Biznesmeni Paul Salem shfaqet në horizont
Aktorja fituese e çmimit Oscar, Nicole Kidman, është sërish në qendër të vëmendjes për jetën personale. Sipas raportimeve të TMZ, biznesmeni amerikan Paul Salem ka shprehur interes romantik për aktoren pas ndarjes së saj nga këngëtari country Keith Urban.
Burime pranë Salem bëjnë të ditur se ai ua ka bërë të qartë njerëzve të afërt dëshirën për ta njohur më mirë aktoren. Dyshja njihen përmes miqve të përbashkët dhe janë parë së bashku në publik në dy raste të ndryshme.
Megjithatë, sipas raportimeve, ata nuk kanë kaluar kohë së bashku në mënyrë private dhe aktualisht nuk janë në një lidhje. Kidman thuhet se mbetet beqare dhe nuk po frekuenton askënd.
Kush është Paul Salem?
Paul Salem është një figurë e njohur në botën e biznesit amerikan. Ai është kryetar i bordit të MGM Resorts International, kompani ku u bashkua në vitin 2018 dhe mori drejtimin në vitin 2020.
Për gati 30 vite, ai ka mbajtur poste drejtuese në firmën e investimeve Providence Equity dhe është gjithashtu bashkëpronar i ekipit të bejsbollit Worcester Red Sox.
Ndërkohë, sipas dokumenteve gjyqësore të siguruara nga Daily Mail, Kidman dhe Urban finalizuan divorcin muajin e kaluar. Marrëveshja parashikon që të dy palët të heqin dorë nga çdo kërkesë për mbështetje financiare për fëmijët dhe të mbulojnë individualisht shpenzimet e tyre.
Pasuritë janë ndarë në mënyrë që secila palë të mbajë atë që zotëron aktualisht, ndërsa ish-çifti ka hequr dorë përfundimisht nga çdo kërkesë për pension ushqimor ndaj njëri-tjetrit. Kostot ligjore do të ndahen në mënyrë të barabartë dhe procesi është mbyllur me mirëkuptim, pa një betejë të zgjatur gjyqësore.
