VIDEO/ Rey Manaj dërgon sinjale për Poloninë, sulmuesi i Kombëtares shënon dygolësh me Sivassporin

Nga OraNews Përditësimi i fundit 14 Shkurt 2026, 21:21

Rey Manaj ishte protagonist absolut në sfidën e radhës së Sivasspor kundër Vanspor, duke realizuar dy gola brenda pak minutash në pjesën e parë.

Sulmuesi i Kombëtares shqiptare gjeti rrugën e rrjetës fillimisht në minutën e 28-të, ndërsa vetëm tre minuta më vonë dyfishoi personalisht shifrat, duke i dhënë epërsi të sigurt skuadrës së tij.

Para pushimit, Sivasspor arriti të shënojë edhe golin e tretë, duke e mbyllur fraksionin e parë në avantazh 3-1.

Megjithatë, në pjesën e dytë ritmi i ndeshjes ndryshoi. Vanspor reagoi dhe arriti të rikthehej në lojë, duke barazuar shifrat në një përmbysje të papritur të rrjedhës së takimit.