EKUIPAZHI KTHEHET NË ORBITË! 4 astronautë rikthejnë kapacitetin e plotë të laboratorit hapësinor
Nga Lili Saraçi Përditësimi i fundit 13 Shkurt 2026, 14:09
4 astronautë janë nisur drejt orbitës në kuadër të misionit “Ekuipazhi-12”, për të rikthyer funksionimin e plotë të laboratorit hapësinor. Lëshimi u realizua pas disa shtyrjeve për shkak të motit të pafavorshëm. Ekuipazhi pritet të ankorohet në stacion brenda një dite dhe të qëndrojë rreth tetë muaj në orbitë.
Katër astronautë janë nisur drejt orbitës për të rikthyer kapacitetin e plotë të laboratorit hapësinor, pas një periudhe disa javore me personel minimal.
Misioni i ri, i njohur si Ekuipazhi-12, synon të stabilizojë operacionet dhe të rrisë volumin e kërkimeve shkencore në bord.
Lëshimi u shty disa herë për shkak të motit të pafavorshëm, por më në fund u realizua me sukses. Kapsula do ankorohet në laboratorin orbital brenda një dite, duke i dhënë fund funksionimit me vetëm tre astronautë shumë poshtë kapacitetit optimal.
Ky zhvillim vjen pasi misioni i mëparshëm u kthye herët në Tokë për arsye mjekësore. Administratori i agjencisë amerikane të hapësirës, e cilësoi reagimin ndaj situatës si profesional dhe të sigurt, duke theksuar rëndësinë e gatishmërisë për emergjenca.
Në ekuipazhin e ri bëjnë pjesë Jessica Meir, Sophie Adenot nga European Space Agency dhe kozmonauti Andrey Fedyaev nga Roscosmos. Ata do të qëndrojnë rreth tetë muaj në orbitë.
Gjatë kësaj kohe planifikohen eksperimente mbi qarkullimin e gjakut, studime farmaceutike dhe simulime të uljes në Hënë për të kuptuar efektet e gravitetit mbi trupin e njeriut.
Prania e plotë e ekuipazhit konsiderohet thelbësore për produktivitetin shkencor të laboratorit orbital, i cili kushton miliarda dollarë në vit për mirëmbajtje.
Me mbërritjen e ekuipazhit të ri, laboratori hapësinor pritet t’i rikthehet ritmit normal të kërkimit dhe operacioneve shkencore.
