GRAMMY 3 DEKADA PAS VDEKJES! Legjenda e muzikës afrikane, Fela Kuti nderohet për “Arritje Jetësore”
Nga Katerina Hysenllari Përditësimi i fundit 30 Janar 2026, 12:54
Fela Kuti, krijuesi i Afrobeat-it, u nderua me Çmimin Grammy për Arritje Jetësore, duke u bërë afrikan i parë që merr këtë vlerësim prestigjioz. Ky nderim, gati tre dekada pas vdekjes së tij, konfirmon ndikimin e tij të thellë muzikor, kulturor dhe politik.
Legjenda e muzikës afrikane, Fela Anikulapo Kuti, u nderua me Çmimin Grammy për Arritje Jetësore, duke u bërë afrikani i parë që merr këtë vlerësim prestigjioz.
Ky nderim vjen gati tri dekada pas vdekjes së tij në vitin 1997 dhe shihet si një njohje e vonuar, por e merituar, e ndikimit të tij në muzikë dhe kulture.
I njohur si krijuesi i rrymës së Afrobeat-it, Fela Kuti ishte më shumë se një muzikant.
Ai ishte aktivist politik, mendimtar kulturor dhe zë i fuqishëm kundër padrejtësive shoqërore.
Afrobeat-i, zhanri që ai krijoi së bashku me bateristin Tony Allen, përzinte ritmet tradicionale afrikane me jazz, funk dhe tekste të forta politike.
Muzika e tij fliste hapur kundër korrupsionit, kolonializmit dhe dhunës shtetërore në Nigeri.
Për shkak të qëndrimeve të tij, Fela u përball shpesh me regjimet ushtarake.
Në vitin 1977, pas publikimit të albumit “Zombie”, kompleksi i tij në Lagos u sulmua nga ushtria dhe u dogj, dhe shumë pjesëtarë të familjes u dhunuan.
Mes tyre, nëna e tij, aktivistja e njohur Funmilayo Ransome-Kuti, e cila humbi jetën disa ditë më vonë si pasojë e plagëve.
Trashëgimia e Fela Kuti-t vazhdon të jetojë edhe sot. Muzika dhe filozofia e tij kanë ndikuar artistë modernë si Burna Boy, Kendrick Lamar dhe shumë të tjerë.
