Presidenti i Nigerisë humb ekuilibrin dhe rrëzohet gjatë ceremonisë me Erdoganin
Nga OraNews Përditësimi i fundit 28 Janar 2026, 09:08
Një incident ndodhi gjatë vizitës zyrtare të presidentit turk Rexhep Taip Erdogan në Nigeri.
Kreu i shtetit nigerian, Bola Ahmed Tinubu, u rrëzua menjëherë pas ceremonisë pritëse.
Pamjet e publikuara tregojnë se Tinubu humbi ekuilibrin dhe ra në tokë, me gjasë pasi u pengua në tapetin e shtruar për protokoll.
Stafi i sigurisë dhe bashkëpunëtorët reaguan me shpejtësi për ta ndihmuar liderin nigerian të ngrihej menjëherë.
Ndonëse Presidenti Recep Tayyip Erdogan ndodhej shumë pranë në vendngjarje, incidenti ndodhi aq rrufeshëm sa ndërhyrja e tij fizike ishte e pamundur.
Pavarësisht këtij momenti të pafat, programi zyrtar midis dy krerëve të shteteve vijoi sipas agjendës pas një ndërprerjeje fare të shkurtër.
