KAMIONISTËT NË PROTESTË/ "Paralizohet" pika kufitare në Maqedoninë e Veriut, i bashkohen bllokadës kamionistët nga rajoni
Nga OraNews Përditësimi i fundit 26 Janar 2026, 15:28
Ka nisur protesta e kamionistëve të Maqedonisë së Veriut duke paralizuar lëvizjen e të gjithë kamionëve përmes pikave kufitare të këtij shteti.
Kësaj proteste i janë bashkuar edhe Serbia, Bosnja e Mali i Zi.
Shkak i kësaj proteste sipas kamionistëve është keqtrajtimi që iu bëhet atyre në vendet e BE duke i trajtuar si turistë dhe jo si punonjës biznesesh.
Sipas tyre është e pamundur që puna të kryhet normalisht prej tyre vetëm me 90 ditë qëndrimi ndaj kërkojnë dyfishimin e këtyre ditëve pasi po shkakton pasoja të rënda tek bizneset.
Sipas Belul Labënishtit protesta do të vijojë 7 ditë për 24 orë deri në zgjidhjen e kërkesës së tyre.
Sipas Labënishtës ndalimi i punës nuk dëmton vetëm bizneset dhe kamionistët Maqedonas por edhe kompanitë e huaja që punojnë me ta, pasi nuk do të dërgohet prodhimi.
Ai shton se asnjë kamion që vjen nga çdo vend i Europës nuk do të lejohet të kalojë.
Protesta ësht parashikuar të zgjatë 7 ditë dhe në rast të mos zgjidhjes së kërkesave pa afat.
Gjatë këtyre ditëve nuk do të ketë pengesa për udhëtarët dhe kamionët me kafshë të gjalla, ilaçe dhe municione.
