Sulme me raketa dhe dron rus, tre të pl*gosur në Kiev
Nga OraNews Përditësimi i fundit 6 Dhjetor 2025, 10:08
Tre persona u plagosën mbrëmë në një sulm rus me raketa dhe dronë në rajonin e Kievit, sipas zyrtarëve lokalë të cituar nga mediat ukrainase.
Forcat Ajrore të Kievit raportuan se forcat e Moskës nisën një breshëri raketash – duke përfshirë raketa hipersonike Kinzhal – dhe dhjetëra dronë në qytete në periferi të kryeqytetit ukrainas.
Guvernatori rajonal Mykola Kalashnyk raportoi se një burrë 42-vjeçar u plagos në qytetin Fastiv, rreth 60 kilometra në jugperëndim të Kievit.
Autoriteti hekurudhor i Ukrainës tha se Rusia kreu një bombardim masiv të infrastrukturës.
Kalashnyk shtoi se dy gra, të moshës 40 dhe 46 vjeç, u plagosën në lagjen Vyshhorodskyi, pak në veri të Kievit.
