75 metra i lartë, 50 mijë drita LED dhe një yll mbi 400 kilogramë/ Ndizet Pema e Krishtlindjeve e Qendrës Rockefeller në Manhatan

Nga OraNews Përditësimi i fundit 4 Dhjetor 2025, 13:00

Pema e Krishtlindjeve në Qendrën Rockefeller , një simbol i sezonit të festave të Nju Jorkut, u ndriçua të mërkurën në mbrëmje në Manhattan.

Pema mbresëlënëse e këtij viti është zbukuruar me më shumë se 50,000 drita LED shumëngjyrëshe dhe në majë të saj është vendosur një yll Swarovski prej 408 kilogramësh.

Ylli i muzikës country, Reba McEntire, drejtoi transmetimin drejtpërdrejt të ceremonisë së ndezjes së dritave për NBC. Në këtë aktivitet performuan edhe Radio City Rockettes, të cilët festojnë 100-vjetorin e tyre këtë vit. Ndër të tjerë, performuan edhe Michael Bublé, Marc Anthony dhe Gwen Stefani.

Bredhi 75 metra i lartë u pre nga një kopsht në zonën e Albany-t, rreth 150 milje në veri të Manhattan-it. Pronarja e shtëpisë Judy Russ tha se familja e saj e dhuroi atë në kujtim të bashkëshortit të saj, Dan, i cili vdiq pesë vjet më parë në moshën 32 vjeç. Ajo tha se pema u mboll nga stërgjyshërit e bashkëshortit të saj në vitet 1920.

“Kjo ndihmon në mbushjen e një boshllëku të madh”, tha Russ për NBC para ceremonisë. “Ndjejmë sikur ai është kthyer me ne, duke bashkuar të gjithë familjen.”