Blerja e banesave e pamundur për rrogëtarët, Shkëmbi: Shtresa e mesme po del nga tregu imobiliar! Ndërtime pa masë, çmime të papërballueshme
Nga Lili Saraçi Përditësimi i fundit 3 Dhjetor 2025, 09:54
Në një intervistë për "Ora News", eksperti i pasurive të paluajtshme Armand Shkëmbi analizoi situatën aktuale të tregut të banesave në Shqipëri, duke theksuar mospërputhjen mes çmimeve të larta dhe të ardhurave të qytetarëve.
"Kërkesa ka. Shqiptarët e kanë traditë blerjen e shtëpisë. Në fakt ne jemi vendi i parë ose i dytë në europë për zotërim shtëpie.
Ajo që nuk përputhet në tregun tonë është volumi i madh i ndërtimit, rrallimi i popullsisë dhe rritja e çmimeve.
Pra, është një non sense që herët a vonë do të sqarohet në treg. Atë që ne kemi tani është që çmimet nuk përputhen me të ardhurat e shqiptarit të thjeshtë.
Nga tregu ka filluar të dalë dhe shtresa e mesme se klasa punëtore nuk blen dot shtëpi", u shpreh Shkëmbi.
NDIQNI INTERVISTEN E PLOTE ME EKSPERTIN
