HIDHET SHORTI/ Mësohet kundërshtari i Shqipërisë, goglat vendosën edhe për rivalin e Kosovës në “Play-Off” (VIDEO)
Nga OraNews Përditësimi i fundit 20 Nëntor 2025, 13:45
Kombëtarja shqiptare do të përballet me Poloninë në gjysmëfinalen e play-off-it të Botërorit 2026. Në shortin e play-off-it të hedhur sot në selinë e FIFA-s në Zyrih, goglat pozicionuan Shqipërinë përballë Sllovakisë.
Ky takim do të luhet më 26 mars 2026, ndërsa kuqezinjtë kanë mësuar edhe kundërshtarin e mundshëm për finalen e play-off-it.
Nëse Shqipëria kalon me sukses Poloninë, në finalen e play-off-it që të dërgon në Botërorin 2026 do të luajë ndaj fituesit të çiftit Ukrainë/Suedi.
Kosova ndërkohë të përballet në gjysmëfinale me Sllovakinë, një sfidë që Dardanët do ta luajnë në transfertë më 26 mars. Dueli pritet të jetë tepër i fortë, por ekipi ka treguar se mund të rivalizojë me çdo kundërshtar.
Shorti i “play off” për zonën europiane
Në rast kualifikimi, Kosova do të luajë finalen kundër fituesit të çiftit Turqi – Rumani, duke pasur kështu edhe një pengesë të fundit përpara se të shkruajë faqen më të rëndësishme në historinë e saj.
