Britania e Madhe heq Hayat Tahrir al-Sham nga lista e organizatave terro*iste
Nga OraNews Përditësimi i fundit 21 Tetor 2025, 20:00
Qeveria britanike hoqi këtë të martë nga lista e organizatave terroriste grupin që udhëhoqi aleancën rebele që rrëzoi presidentin sirian Bashar al-Assad, Hayat Tahrir al-Sham.
HTS është një ish-degë e al-Kaedës në Siri dhe u shpall organizatë terroriste në vitin 2017.
Qeveria britanike njoftoi dhjetorin e kaluar se do ta shqyrtonte çështjen. Presidenti i SHBA-së, Donald Trump e hoqi HTS-në nga lista në korrik.
Udhëheqësi i HTS-së, Ahmed al-Sarrah është tani president i Sirisë.
Në deklaratën e saj, qeveria britanike tha se heqja e HTS-së nga lista do ta bënte më të lehtë bashkëpunimin me autoritetet e reja siriane.
Ajo gjithashtu planifikon të punojë me Damaskun për të eliminuar programin e armëve kimike të Asadit.
Më herët të hënën, Ministri i Financave sirian, Mohammad Nidal al-Sarrah tha se shpresonte që sanksionet ekonomike të vendosura nga Uashingtoni ndaj vendit të tij do të hiqeshin në muajt e ardhshëm.
