VIDEO+EMRI/ Ekstradohet nga Spanja në Shqipëri pjesëtari i grupit të Visit të Pojës

Nga OraNews Përditësimi i fundit 11 Tetor 2025, 09:10

Një shtetas 34-vjeçar, pjesëtar i grupit të strukturuar kriminal të Visit të Pojës, është ekstraduar nga Spanja drejt Shqipërisë.

Ai akuzohet për trafik të lëndëve narkotike në Norvegji dhe Belgjikë.

Njoftimi:

Interpol Tirana

Ekstradohet nga Spanja, 1 shtetas që akuzohet nga GjKKO, si pjesëtar i një organizate kriminale që trafikonte lëndë narkotike në Norvegji dhe Belgjikë.

Në vijim të bashkëpunimit shumë të ngushtë ndërmjet strukturave homologe të Interpolit, në Tiranë dhe në Madrid, u finalizua në kuadër të operacionit “The Wanted”, procedura për ekstradimin nga Spanja në Shqipëri, të shtetasit të shpallur në kërkim ndërkombëtar:

Juxhin Drazhi, 34 vjeç.

Gjykata e Posaçme e Shkallës së Parë kundër Korrupsionit dhe Krimit të Organizuar Tiranë, me vendimin e datës 30.04.2025, i ka caktuar këtij shtetasi, masën e sigurisë “Arrest në burg”, për veprat penale “Trafikimi i narkotikëve”, kryer në formën e grupit të strukturuar kriminal, “Grup i strukturuar kriminal” dhe “Kryerja e veprave penale nga organizata kriminale ose grupi i strukturuar kriminal”.

Nga hetimet e kryera nga SPAK, dyshohet se shtetasi J. D. ka qenë pjesë e një organizate kriminale që trafikonte lëndë narkotike në Norvegji dhe në Belgjikë