Victoria Beckham pa korniza, flet hapur për shpenzimet dhe borxhet...
Nga OraNews Përditësimi i fundit 9 Tetor 2025, 16:32
Shpenzimet e pakontrolluara të Victoria Beckham (dhe fakti që askush nuk do t'i thoshte kurrë jo) gati sa nuk falimentuan kompaninë e saj të modës dhe i vunë një presion martesës së saj me Davidin.
Kjo është ajo që del në pah në serialin e ri dokumentar për stilisten dhe ish-këngëtaren, që do të dalë në Netflix më 9 tetor. Ish-futbollisti pranoi para kameras se u panikua kur marka Victoria Beckham hyri në borxhe të mëdha: "Dhjetëra milionë në të kuqe", zbuloi ai. "Që ajo të vinte tek unë dhe të thoshte... 'kompania ka nevojë për më shumë para', ishte e vështirë për të dy ne", tha ai.
Victoria lançoi kompaninë e saj të modës në vitin 2008, por biznesi gati u mbyll për shkak të shpenzimeve të tepërta të ish-anëtares së Spice Girl, duke përfshirë 70.000 dollarë në vit vetëm për bimë, me një punonjës që paguante 15.000 dollarë shtesë vetëm për t'i ujitur ato.
Victoria Beckham midis shpenzimeve të çmendura dhe borxheve
Victoria Beckham ka rrëfyer se ka bërë "gjëra të çuditshme", duke shtuar: "Tani e kujtoj dhe jam e tmerruar. Njerëzit kishin frikë të më thoshin jo... është fuqia e famës dhe njerëzit mendonin se nuk isha mësuar të më thuhej 'Jo'".
Vic rrëfeu se zakonet e saj të shpenzimeve të çmendura datojnë që nga koha kur ishte anëtare e Spice Girls, kur, besnike ndaj imazhit të saj të Posh Spice, ajo e shpenzoi të gjithë buxhetin e grupit për Gucci, duke i lënë vajzat e tjera të blinin në dyqanet e bamirësisë.
Familja Beckham u takua kur David ishte një lojtar i ri dhe në ngritje i Manchester United, ndërsa Victoria tashmë kishte arritur famë globale në muzikën pop. "Ajo ishte shumë më e pasur se unë", sqaroi David, duke zbuluar se ishte gruaja e tij ajo që bleu shtëpinë e tyre në Hertfordshire, Britani të Madhe, me nofkën "Beckingham Palace".
Por gjërat dolën vërtet jashtë kontrollit kur ajo u përpoq të drejtonte biznesin e saj. "Pothuajse humba gjithçka dhe ishte një kohë shumë e errët. Qaja çdo ditë para se të shkoja në punë. Thjesht përkeqësohej." Davidi përsëriti: "Ne pamë se çfarë kisha investuar... Më bëri të panikosem, po më kapte paniku sepse nuk po shihja asnjë fitim."
Victoria Beckham dhe borxhet e saj me kompaninë e saj të modës
Victoria Beckham arriti të rimëkëmbej në vitin 2017 kur gjeti një partner biznesi: David Belhassen. Ai shikoi librat e kompanisë dhe ishte gati ta refuzonte marrëveshjen për shkak të humbjeve të mëdha, por u bind të investonte kur gruaja e tij i tha se fustani që kishte veshur ishte nga linja e Victorias dhe se rrobat ishin të mrekullueshme. Ai bëri ndryshime të mëdha pasi u trondit nga disa nga mënyrat absurde se si po grumbulloheshin faturat. "Kompania ishte në një situatë shumë, shumë të vështirë. Gjithçka duhej të revolucionarizohej", shpjegoi ai në serialin dokumentar të Netflix.
Victoria Beckham dhe çrregullimet e të ngrënit…
Victoria Beckham ka folur gjithashtu gjerësisht rreth çrregullimit të të ngrënit që ka ndikuar në pjesën më të madhe të jetës së saj. "Kam qenë gjithçka, nga Porky Posh te Skinny Posh. Ka qenë shumë, dhe është e vështirë", tha ajo për presionin e medias.
"Nuk kisha kontroll mbi atë që shkruhej për mua, çfarë fotosh bëheshin, dhe mendoj se doja ta kontrolloja këtë." Menaxhimi i ushqimit të saj ishte bërë një mënyrë për të rifituar kontrollin mbi jetën e saj. "Mund ta kontrolloja peshën time. Dhe e kontrolloja atë në një mënyrë tepër të pashëndetshme", tha Victoria.
"Kur ke një çrregullim të të ngrënit, bëhesh shumë i mirë në gënjeshtra, dhe unë kurrë nuk kam qenë e sinqertë me prindërit e mi. Nuk kam folur kurrë për këtë publikisht. Të ndikon shumë kur të thuhet vazhdimisht se nuk je mjaftueshëm i mirë, dhe mendoj se kjo ka qenë me mua gjithë jetën time."
