Oriola Marashi konfirmon lidhjen e saj? “Unë duke e lutur…"
Nga OraNews Përditësimi i fundit 16 Shtator 2025, 14:27
Modelja e njohur shqiptare, Oriola Marashi, ka vendosur t’i japë fund zërave mbi statusin e saj sentimental, duke e konfirmuar vetë se është e dashuruar.
Përmes një postimi në rrjetet sociale, ajo ndau me ndjekësit një moment plot humor e përkëdheli me partnerin, ku shkruante:
"Unë duke e lutur të dashurin tim që të ma bëjë vetëm një fotografi të mirë. Vajza, a keni edhe ju probleme me këtë gjë apo vetëm unë?"
Ky detaj i thjeshtë mjaftoi për të hedhur dritë mbi thashethemet që qarkullonin prej kohësh në media, se modelja ishte në një lidhje dhe madje e fejuar.
Deri më sot, Oriola kishte zgjedhur të mos komentonte, por me këtë postim i dha fund çdo dyshimi, duke e bërë lajmin publik në mënyrën e saj natyrale.
Reagimet nga fansat erdhën menjëherë, me urime dhe komente mbështetëse. Shumë prej tyre e vlerësuan hapjen e saj si një moment njerëzor dhe të sinqertë, larg imazhit të përkryer që ajo përcjell zakonisht në pasarela dhe sesione fotografike.
Ky konfirmim shënon një kapitull të ri për modelen, duke e afruar edhe më shumë me publikun që tashmë e sheh si më të thjeshtë dhe më të afërt.
