“RRETHIMI” I SHKODRËS/ Nesër Maratona, ja rrugët që do të bllokohen gjatë ditës në qytet
Nga OraNews Përditësimi i fundit 13 Shtator 2025, 11:37
Shkodra do të shndërrohet nesër, 14 shtator, në qytetin e vrapit dhe energjisë sportive.
Në qytetin verior do të zhvillohet një maratonë, në kuadër të titullit “Shkodra Qytet Evropian i Sportit”, duke e vendosur atë në qendër të vëmendjes sportive kombëtare dhe ndërkombëtare.
Gara do të zhvillohet në tri kategori: 2.5 km (mosha 10-15 vjeç), 5 km (mosha 16-19 vjeç) dhe 10 km (mosha mbi 20 vjeç).
Kryetari i bashkisë së Shkodrës, Benet Beci në një postim në rrjetet sociale publikoi akset ku do të bllokohet qarkullimi në këtë qytet.
Për shkak të zhvillimit të Maratonës së Shkodrës, ditën e nesërme do të ketë bllokim të qarkullimit nga ora 07:30 deri në orën 13:00.
Segmentet që do të qëndrojnë të bllokuara janë:
sheshi Demokracia,
sheshi Parrucë,
sheshi Balshaj,
karrëxhata perëndimore e Bulevardit “Mehmet Pashë Plaku”,
sheshi Isa Boletini,
aksi “Daut Boriçi”.
Kryebashkiaku Beci kërkoi mirëkuptimin e qytetarëve dhe drejtuesve të mjeteve për respektimin e këtyre kufizimeve gjatë kohës së zhvillimit të aktivitetit sportiv.
Starti dhe finishi do të vendosen në sheshin përparabashkisë Shkodër, duke e kthyer qendrën e qytetit në një hapësirë festive për sportdashësit dhe vizitorët.
