Morata largohet nga Galatasaray, drejt rikthimit në Serie A
Nga OraNews Përditësimi i fundit 11 Gusht 2025, 10:42
Sulmuesi spanjoll Álvaro Morata i ka dhënë fund qëndrimit të tij te Galatasaray, duke u larguar nga klubi turk pas vetëm disa muajsh.
Marrëveshja e ndërprerjes së kontratës është arritur me pëlqimin e të gjitha palëve dhe pritet të hapë rrugën për kalimin e tij te Como, ekipi italian i drejtuar nga Cesc Fábregas.
Galatasaray konfirmoi largimin e 32-vjeçarit me një mesazh lamtumire në rrjetet sociale:
“Faleminderit, Morata, për përkushtimin tënd me fanellën e Galatasaray! Shumë fat në karrierën tënde!”
Morata kishte mbërritur në Stamboll më 20 janar 2025 nga AC Milan, në formë huazimi për 6 milionë euro dhe me një klauzolë blerjeje të detyrueshme prej 8 milionë euro, kontratë që do të zgjaste deri në vitin 2026.
Gjatë periudhës së tij te Galatasaray, sulmuesi spanjoll zhvilloi 16 ndeshje, duke shënuar 7 gola dhe dhënë 1 asist.
Sipas njoftimit zyrtar të klubit turk, AC Milan do të paguajë 5 milionë euro si kompensim për ndërprerjen e parakohshme të kontratës.
Për më tepër, vetë futbollisti ka hequr dorë nga pagesa e detyrimeve që i takonin, me vlerë 651.562 euro, për të lehtësuar largimin e tij
