Botërori për Klube, Thomas Muller: Kundër PSG-së do të jetë ‘flakë’
Nga OraNews Përditësimi i fundit 4 Korrik 2025, 15:42
Deri tani, Kupa e Botës për Klube ka qenë kryesisht e kënaqshme për Bajernin e Mynihut.
Ekipi i drejtuar nga Vinsent Kompani tani përballet me fituesit e Ligës së Kampioneve në çerekfinalet e këtij kompeticioni.
Sa më shumë ndeshjet kalojnë, aq më shuqmë rritet dhe shkalla e vështirësisë për kampionët e Gjermanisë, që, pasi kaluan Flamengon me lehtësi, tani kanë përpara një duel titanësh.
Të shtunën, kampionët e Gjermanisë përballen me Paris Saint-Germain (nga ora 18:00) dhe veterani i klubit nga Mynihu, Thomas Muller, pret një ndeshje të ekuilibruar, edhe pse në letër kampionët e Europës shihen si favoritë.
“Francezët janë padyshim një forcë me të cilën duhet të llogaritet. Të dyja ekipet janë në formë të mirë dhe e njohin njëra-tjetrën nga brenda e nga jashtë. Është një ndeshje që nuk ka sekrete, do të jetë ‘flakë’” , tha Muller.
Paris SG-ja është favorite ndaj Bayernit. Por kujdes, sepse, rezultatet e fundit flasin vetë.
Bavarezët kanë fituar katër ndeshjet e fundit zyrtare kundër fituesve në fuqi të Ligës së Kampioneve pa pësuar asnjë gol. Ekipi i trajnerit Vinsent Kompani fitoi së fundmi 1-0 në fazën e grupeve të Ligës së Kampioneve në nëntor 2024.
Sipas Muller, skuadra nga Mynihu ka synimin e vendosur fort për të fituar turneun.
Lojtari 35- vjeçar, i cili po luan ndeshjet e tij të fundit me fanellën e Bayernit në SHBA, theksoi atmosferën brenda skuadrës.
“Është diçka e veçantë të kesh një përvojë të vërtetë turneu me një skuadër që është rritur së bashku gjatë viteve.
Shpirti i përbashkët me stafin dhe të gjithë skuadrën gjithashtu luan një rol të madh dhe krijon një atmosferë unike”, nënvizoi lojtari që po bëhet gati pas 25 vjetësh t’i japë lamtumirën Bayernit të Mynihut.
