Tre të vde*ur dhe 6 të plago*ur në një festival në Indi
Nga OraNews Përditësimi i fundit 29 Qershor 2025, 09:54
Tre persona u vranë dhe gjashtë u plagosën, gjatë trazirave të një festivali në Indinë lindore të dielën, thanë zyrtarët.
"Tre persona kanë vdekur dhe gjashtë kanë pësuar lëndime; asnjëri prej tyre nuk është serioz dhe të gjithë janë jashtë rrezikut për jetën", tha për Reuters YB Khurania, drejtor i përgjithshëm i policisë në shtetin e Odishës.
Incidenti ndodhi në agim, ndërsa mijëra besimtarë hindu u mblodhën në një festival vjetor të qerreve në Puri, tha një zyrtar i lartë administrativ për Reuters.
Ai kërkoi të mos identifikohej, pasi nuk është i autorizuar të flasë me median.
Stampedet ndodhin rregullisht gjatë tubimeve të mëdha hindu në vendin më të populluar në botë, pasi turma të mëdha mblidhen në hapësira të ngushta, shpesh duke injoruar protokollet e sigurisë.
Në janar, të paktën 39 persona u vranë në një rrëmujë para agimit gjatë Maha Kumbh Mela në Prayagraj, India veriore./ Reuters.
