Komisioni i Ligjeve/ Braçe prezanton strategjinë kundër Ndërhyrjeve të Huaja dhe Dezinformimit: Jemi të ekspozuar ndaj rreziqeve hibride
Nga OraNews Përditësimi i fundit 23 Qershor 2025, 12:55
Deputeti socialist njëherësh de kryetari i Komisionit të Posaçëm të Dezinformimit, Erion Braçe prezantoi sot para Komisionit të Ligjeve, strategjinë Kombëtare kundër Ndërhyrjeve të Huaja dhe Dezinformimit duke theksuar se synon të forcojë kapacitetet institucionale dhe ligjore për të parandaluar dhe luftuar ndërhyrjet e huaja që mund të ndikojnë në proceset demokratike, stabilitetin politik dhe sigurinë kombëtare, ekonominë dhe infrastrukturën kritike të vendit.
Gjithashtu ai u ndal edhe te financimet e partive politike gjatë fushatave. Ai tha se edhe në zgjedhjet e 11 majit ka patur flukse të mëdha të parave nga burimet e treta që deri më tani nuk kanë patur ndonjë detyrim të bëjnë deklarim.
“Strategjia kundër dezinformimit shënon qasej të re për garantimin e institucioneve demokratik, lirisë dhe besimit qytetar në institucione. Strategjie synon të forcojë mbroj nga forma të reja të ndikim të huaj, që rrezikojnë funksionimin e shtetit të së drejtës. Shqipëria si vend kandidat për anëtarësimin në BE dhe anëtare e NATO nuk është imune ndaj këtyre formave të reja të ndërhyrjes. Pozicioni ynë gjeopolitik na bëjnë të ekspozuar ndaj rreziqeve hibride...
Këtu jemi në komisionin ku duhet të bëhet ky debat. Gjatë punës në komisionin e dezinformimit ka patur propozime edhe nga ne edhe nga KQZ për të vënë nën kontroll burimin e financimit të partive gjatë fushatave, veçanërisht aty ku jemi zbuluar: tek Detyrimi palëve të treta për të deklaruar burimin e financimin të tyre, edhe në këtë fushatë që shkoi kemi patur flukse të mëdha të parave nga burimet e treta që deri më tani nuk kanë patur ndonjë detyrim të bëjnë deklarim, duhet të shkojmë drejt këtij rregullimi ligjor. Këto historitë me celularin para, ja sa harxhoj unë në ditë, dhe ja sa para më japin mua në ditë, duhet të marrë fund që zgjedhjet të mos komercializohen, por të ngelen e drejtë për të zgjedhur me votë, jo për të blerë votë”, tha Braçe.
