Ish-arbitri akuzohet zyrtarisht nga FA, e quajti Kloppin një 'gjerman të çmendur arrogant'
Nga OraNews Përditësimi i fundit 17 Qershor 2025, 18:38
ANGLI - Ish-gjyqtari David Coote është akuzuar zyrtarisht nga Federata Angleze e Futbollit (FA) për një video në të cilën ai fyen ish-trajnerin e Liverpoolit, Jürgen Klopp, njoftoi organizata të martën.
Coote, i cili u shkarkua nga FA disa ditë pasi videoja u bë publike, është liruar nga akuzat për manipulim të mundshëm të kartonëve të verdhë, një çështje në të cilën ai gjithmonë e mbante pafajësinë e tij.
Sipas FA-së, Coote kreu një shkelje të rëndë të kodit të sjelljes duke fyer Kloppin. Në videon në fjalë, e cila u shfaq në fund të vitit të kaluar, Coote e quajti Kloppin, atëherë trajner i Liverpoolit, një "gjerman të çmendur arrogant".
Përdorim i dyshuar i drogës
Përveç fyerjeve drejtuar Klopp dhe skandalit të supozuar rreth kartonit të verdhë që iu dha një lojtari për përfitim financiar në vitin 2019, Coote bëri bujë edhe për një video në të cilën ai dyshohet se kishte marrë drogë gjatë Kampionatit Evropian në Gjermani, ku ai drejtoi disa ndeshje.
