E rëndë në Itali/ Makina futet kundravajtje në një autostradë dhe përplaset me një mjet tjetër, një i vde*ur dhe pesë të plago*ur, mes tyre edhe tre fëmijë
Nga OraNews Përditësimi i fundit 15 Qershor 2025, 16:18
ITALI- Një aksident tragjik ka ndodhur në Itali paraditen e sotme.
Si pasojë e aksidentit një person ka humbur jetën dhe pesë të tjerë kanë mbetur të plagosur.
Sipas të dhënave paraprake, një automjet ka hyrë në mënyrë të gabuar në autostradë nga pika e pagesës në Bolzano Jug dhe ka lëvizur në drejtim të kundërt, duke shkaktuar një përplasje frontale me një tjetër automjet që po vinte në drejtimin e duhur.
Gjithashtu oas aksidentit menjëherë kanë ndërhyrë zjarrfikësit e Bolzanos, policia rrugore dhe disa autoambulanca.
Dy prej të plagosurve janë transportuar në spitalet e Bressanones dhe Trentos, ndërsa tre fëmijë të moshave 8, 11 dhe 14 vjeç u transportuan me helikopter në Klinikën Universitare të Innsbruckut.
