VIDEO/ Spektakël në Mynih, Portugalia përmbys Gjermaninë, Cristiano Ronaldo dërgon luzitanët në finalen e Nations League
Nga OraNews Përditësimi i fundit 4 Qershor 2025, 23:03
Portugalia sërish në finalen e Ligës së Kombeve, pas asaj në vitin 2019, kur triumfoi ndaj Holandës.
Luzitanët mposhtën me përmbysje 1-2 Gjermaninë në Mynih në një sfidë tepër emocionuese, ku vendosi goli i Cristiano Ronaldos.
NDESHJA
Pjesa e parë, nuk prodhoi gol, duke u mbyllur me shifrat e bardha, ndërkohë që në fragmentin e dytë të lojës, ishin “panzerat” që shënuan të parët me Wirtz.
Por, Portugalia ka përmbysur shifrat ndaj Gjermanisë duke kryesuar 2-1 gjysmëfinalen e Ligës së Kombeve.
Pas golit të Wirtz në minutën e 48-të, luzitanët janë përgjigjur shumë shpejt duke shënuar dy gola të shpejtë.
Fillimisht realizoi i sapofuturi në lojë Francisco Conceicao në minutën e 63-të.
Vetëm 5 minuta më pas, Cristiano Ronaldo përmbysi shifrat falë një aksioni model të portugezëve, për të siguruar “biletën” për në finalen e madhe të Ligës së Kombeve, që do të zhvillohet po në Mynih.
